2010-cu il fevralın 4-də Azərbaycan Respublikası Dövlət Neft Fondunda (ARDNF) Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə Çoxtərəfli Qrupun (ÇQ) ilk iclası keçirilmişdir. Çoxtərəfli Qrupun ilk iclasını ÇQ-nin sədri, ARDNF-nin İcraçı Direktoru Şahmar Mövsümov açaraq MHŞT-nin Azərbaycanda tətbiqinə dair bir sıra məsələlərlə bağlı Qrup üzvlərinə məlumat vermişdir.

Azərbaycan Respublikası Dövlət Neft Fondu (ARDNF) risklərin ölçülməsi sistemi proqram təminatı üzrə "Dövlət satınalmaları haqqında" Azərbaycan Respublikası Qanununun tələblərinə əsasən keçirilmiş açıq tenderin qalibi RiskMetrics Solutions İnc. ilə 2010-cu il yanvarın 29-da müqavilə imzalamışdır.

Azərbaycan Respublikası Dövlət Neft Fondunun loqosu hazırlanmışdır. Loqoda Neft Fondunun fəaliyyətinin tərkib hissəsi olan Azərbaycanın sərvətlərinin gələcək nəsillər üçün saxlanmasını özündə simvolizə edən əlində qiymətli obyekt tutan insan təsvir edilmişdir.