Bizi izləyin
      AZ  |  EN  |  Ana səhifə         

 

 
Xarici menecerlər

 

Azərbaycan Respublikası Dövlət Neft Fondunun vəsaitlərinin bir hissəsinin idarə edilməsi xarici menecerlərə həvalə edilə bilər. Cəlb edilən xarici menecer və ya onun  əsas təsisçisi aşağıdakı tələblərdən birinə cavab verməlidir:

1) Kredit reytinqi investisiya dərəcəli kredit reytinqindən (Standart ənd Purz və ya Fiç və ya Mudiz) aşağı olmamalı;

2) Aktivlərin idarə edilməsi sahəsində 5 ildən az olmayan müsbət təcrübəsi olmalı;

3) Dəyəri 1 mlrd. ABŞ dolları məbləğindən az olmayan aktivlərin idarə edilməsində səriştəsi olmalıdır.

İnvestisiya portfelinin xarici menecerlərin idarə edilməsinə verilən vəsaitinin həcmi aşağıdakı kimi müəyyən edilmişdir. Xarici menecerlərə idarəetməyə verilən vəsaitin ümumi həcmi investisiya portfelinin məcmu dəyərinin 60 faizindən, bir xarici menecerə idarəetməyə verilən vəsaitin maksimum həcmi investisiya portfelinin məcmu dəyərinin 5 faizindən artıq olmamalıdır.

Hal hazırda Fondun vəsaitlərinin bir hissəsini 4 xarici menecer idarə edir:

 

Dünya Bankı

http://www.oilfund.az/uploads/images/worldbanktreasury_logo.jpg

Dünya Bankı Xəzinədarlığı  BYİB-nin, Dünya Bankı Qrupunun filialları və xarici müştərilərinin  adından çıxış etməklə 100 milyard ABŞ dollarından çox vəsaiti yüksək reytinqli sabit gəlirli səhmlərə yatırıb. Şirkətin müştərilərini beynəlxalq maliyyə institutları, donor fondlar, mərkəzi banklar, milli təqaüd fondları və suveren fondlar kimi 40-dan çox rəsmi aktivlərin idarəsi ilə məşğul  olan qurumlar təşkil edir. Dünya Bankı Xəzinədarlığı RAMP proqramı çərçivəsində xarici valyuta ehtiyatları və başqa investisiya portfellərinin effektiv idarə edilməsi məqsədi ilə dövlət qurumlarına məsləhətçi xidmətlər göstərir və treyninqlər təşkil edir (bu barədə daha ətraflı məlumat üçün bax: www.treasury.worldbank.org).

 

 

Deutsche Bank Advisors

“Deutsche Bank Advisors” “Deutsche Bank' Asset & Wealth Management” (AWM)-in aktivlərinin həcmi 900 milyard ABŞ dolları (30 iyun 2012 tarixinə) təşkil edən şöbəsidir. DB Advisors bütün dünyada institusional investorların- korporativ, ictimai və birgə təqaüd fondları, ittifaq və ianə fondları, milli və beynəlmiləl qurumların ehtiyaclarının təmin olunmasına yönəlmiş aktivlərin idarə edilməsi ilə məşğul olan şöbəsidir.  DB Advisors Deutsche Bank Group-un resursları və maliyyə potensialı təminatıyla müştərilərinə qlobal şəbəkəyə qoşulma, geniş çeşidli məhsul, mükəmməl xidmət və işinə sədaqət kimi müxtəlif xidmətlər paketi təklif edir (bu barədə daha ətraflı məlumat üçün bax: www.dbadvisors.com).

 
 
UBS

http://www.oilfund.az/uploads/images/ubs.png

“UBS Global Asset Management” İsveçrə Fond birjasında və Nyu-York Fond birjasında iştirak edən İsveçrə səhmdar cəmiyyəti “UBS AG”-nin biznes şöbəsidir. Şirkət əsas ənənəvi və alternativ aktiv növləri üzrə investisiya imkanları və stillərin geniş spektrini təmin edir. Şirkət bütün dünya üzrə müştərilərini təşkil edən suveren fondlar, milli və mərkəzi banklar, dövlət agentlikləri, təqaüd fondları və digər beynəlxalq təsisatlar üçün vahid qlobal yanaşma təmin edir və onlara zəruri olan konsultativ, tələb olunan investisiya və təlim həllərinin həyata keçirilməsini təmin edir.“UBS Global Asset Management” şirkətinin baş ofisləri London, Çikaqo, Frankfurt, Hartford, Honq-Konq, Nyu York, Paris, Sinqapur, Sidney, Tokyo və Sürixdə yerləşir. Şirkətin investisiya aktivləri 30 iyun 2012-ci il tarixinə 599 mlrd. ABŞ dolları təşkil etmişdir (bu barədə daha ətraflı məlumat üçün bax www.ubs.com).

 

State Street Global Advisors  (SSgA)

“State Street Global Advisors” (SSgA) şirkəti 1978-ci ildə Bostonda əsası qoyulmuş institusional  investorlar üçün maliyyə xidmətlərini təklif edən 200 illik tarixə malik dünyanın aparıcı şirkətlərindən biri “State Street Corporation”-nun vəsait idarəetmə üzrə şöbəsdir. SSgA-da 450-dən çox investisiya üzrə professional və dünya üzrə 2400-dən artıq mütəxəssis çalışır. SSgA 29 qlobal ofis, 10 investisiya mərkəzi və Boston, London və Honkonq şəhərlərində yerləşən 24 saat fəaliyyət göstərən  əməliyyat məntəqələrini birləşdirir.

 “State Street” korporasiyası səhmləri Nyu-York fond birjasında açıq şəkildə alınıb-satıla bilən bank holdinq şirkətidir. 30 iyun 2012-ci il tarixinə “SSgA” şirkətinin idarəetməsində olan aktivlərin həcmi 1,91 trilyon ABŞ dolları təşkil edir. SSgA Official Institutions Group mərkəzi banklar, dövlət agentlikləri və beynəlxalq institutlara professional investisiya menecmenti xidmətlərini təklif edir (bu barədə daha ətraflı məlumat üçün bax www.ssga.com).