Bizi izləyin
      AZ  |  EN  |  Ana səhifə         

 

 
Xəbərlər arxivi

ARDNF-də Monqolustan Prezidentinin başçılıq etdiyi nümayəndə heyəti ilə görüş keçirilib


25/09/2018


2018-ci ilin 25 sentyabr tarixində Azərbaycan Respublikası Dövlət Neft Fondunun (ARDNF) İcraçı direktoru Şahmar Mövsümov ilə Monqolustan Prezidenti Xaltmaaqiyn Battulqanın başçılıq etdiyi nümayəndə heyəti arasında görüş keçirilib. 

Şahmar Mövsümov ARDNF-nin yaranma tarixi, milli neft strategiyası, Fondun məqsəd və vəzifələri, idarəetmə və büdcə sistemi, Fondun vəsaitlərinin idarə edilməsi və investisiya siyasəti, maliyyələşdirilən layihələr, şəffaflıq və hesabatlılığın təmin edilməsi sahəsində ARDNF-nin gördüyü işlər, makroiqtisadi sabitliyin və fiskal dayanıqlığın tənzimlənməsi istiqamətində atılan addımlar barədə təqdimatla çıxış edib.

Azərbaycan Prezidenti cənab İlham Əliyevin dəvəti ilə ölkəyə səfər etdiyini qeyd edən Monqolustan Prezidenti Azərbaycan və Monqolustan arasında mövcud olan əlaqələr barədə məlumat verib. ARDNF barədə təqdimatla tanış olan Prezident Xaltmaaqiyn Battulqa Neft Fondunun neft və qaz gəlirlərinin şəffaf idarə edilməsi istiqamətində mövcud təcrübəsini yüksək qiymətləndirib.

Görüşdə mövcud və gələcək investisiya imkanları, əməkdaşlıq perspektivləri və digər məsələlər ətrafında fikir mübadiləsi aparılıb.

Monqolustan Prezidenti Azərbaycan Respublikası Prezidentinin təşəbbüsü ilə Azərbaycanın biznes missiyasının cari ilin oktyabr ayında Monqolustana səfərinin nəzərdə tutulduğunu qeyd edib və Monqolustanda mövcud olan investisiya imkanlarının nəzərdən keçirilməsi üçün ARDNF-nin nümayəndə heyətinin də qeyd edilən missiya ilə Monqolustana dəvət edib.

ARDNF-nin İcraçı direktoru Monqolustan Prezidentinə dəvət üçün təşəkkürünü bildirib. Şahmar Mövsumov ölkələr arasında ikitərəfli münasibətlərin yüksək səviyyədə olduğunu və Monqolustan Prezidentinin Azərbaycana səfərinin mövcud əlaqələrin daha da möhkəmlənməsinə təkan verəcəyini qeyd edib.

Nümayəndə heyəti Fondun binası və muzeyi ilə tanış olublar.