Bizi izləyin
      AZ  |  EN  |  Ana səhifə         

 

 
Xəbərlər arxivi

ARDNF dünyanın ən nüfuzlu 100 investoru siyahısına daxil edilib


11/10/2018


Azərbaycanın suveren fondu Azərbaycan Respublikası Dövlət Neft Fondu (ARDNF) 2018-ci il dövlət vəsaitlərinin idarə edilməsi üzrə dünyanın ən nüfuzlu 100 investoru siyahısına daxil edilib. Qlobal miqyasda tanınan siyahıda ARDNF 10-cu yerdə qərarlaşıb. 

Siyahıya mövcud şəraitdə vəsaitlərin idarə edilməsində fərqlənən dünyanın böyük suveren fondları, pensiya fondları, ianə fondları, mərkəzi bankları və s. təşkilatlar arasından seçilmiş 100 ən nüfuzlu investor daxil edilmişdir.

Renkinq Suveren Fondlar İnstitutu tərəfindən qurumların fəaliyyətlərində tətbiq etdiyi innovasiyalar, xüsusi proqramlar, maliyyələşdirmə mexanizmləri, gəlirlilik göstəriciləri, mövcud şərait, həyata keçirilmiş təşəbbüslər kimi kriteriyalar nəzərə alınmaqla tərtib edilmişdir.

Qeyd edilən renkinqlə aşağıdakı linkdə ətraflı tanış ola bilərsiniz:

https://www.swfinstitute.org/swf-news/press-release-public-investor-100-rankings-released-for-2018/

ARDNF

Azərbaycan Respublikası Dövlət Neft Fondu 1999-cu ildə ümummilli lider Heydər Əliyevin qərarı ilə hüquqi şəxs qismində yaradılmış büdcədənkənar dövlət təsisatıdır. ARDNF-nin yaradılması fəlsəfəsinin əsasını tükənən təbii sərvətlərdən əldə olunan gəlirlərin toplanması və Azərbaycan xalqının bugünkü və gələcək nəsillərinin daimi gəlir mənbəyinə çevrilməsi təşkil edir. Daha ətraflı: http://www.oilfund.az/

Suveren Fondlar İnstitutu

Suveren Fondlar İnstitutu suveren fondlar, pensiya fondları, mərkəzi banklar və digər dövlət vəsaitlərinin uzunmüddətli idarə edilməsi üzrə investorların investisiya fəaliyyətləri, vəsaitlərin strateji bölgüsü, risk, idarəetmə, iqtisadiyyat, siyasət, ticarət və digər sahələri öyrənən qlobal təşkilatdır. Daha ətraflı: https://www.swfinstitute.org/