ARDNF - Azərbaycan Respublikası Dövlət Neft Fondu

Xəbərlər arxivi

Neft Fondunun İcraçı direktoru Suveren Fondların Beynəlxalq Forumunun iclasında iştirak edir

11/05/2011

2011-ci il mayın 11-13-də Çin Xalq Respublikasının Pekin şəhərində Suveren Fondların Beynəlxalq Forumunun üçüncü iclası keçirilir. Azərbaycan Respublikası Dövlət Neft Fondunun (ARDNF) İcraçı direktoru Şahmar Mövsümovun başçılıq etdiyi nümayəndə heyəti iclasda iştirak edir.

Suveren Fondların Beynəlxalq Forumu Suveren Fondların Beynəlxalq İşçi Qrupunun 2009-cu il aprelin 5-6-da Əl-Küveyt şəhərində keçirilmiş iclasında yaradılmışdır və ilk rəsmi iclasını 2009-cu il 8-9 oktyabr tarixlərində Bakı şəhərində keçirmişdir. SFBF könüllü qrup olub, əsas məqsədi Suveren Fondların ümumi maraqlarına dair məsələlər ətrafında fikir mübadiləsi aparmaq və Santyaqo prinsipləri və Suveren Fondların fəaliyyətlərinin anlaşılmasını asanlaşdırmaqdır.